JUIG! Tydskrif: Mei Uitgawe 2024

Kom kuier heerlik saam met ons in hierdie Mei-uitgawe. Ons gesels met die vrolike Lynette Beer en vind ’n bietjie uit wie die volkleurmens agter die sielkunde is. Dr. Caroline Leaf help ons om van gedagte (denke) te verander en dr. Richard Blackaby deel sy insigte hoe om die lewe se storms te trotseer. Ontdek die verstommende feite oor die helderkleurige toekans, neem deel aan ons inkleurkompetisie en moenie vergeet om ’n tyd in te ruim vir ons pretbladsye propvol Bybelkennis en raaisels nie – alles vir jou om te geniet.

Lees gerus die aktuele artikels, “Kerklos, kerkloos, goddeloos”, “Hoekom die huwelik saak maak” en “Is jy besig om uit te brand?” En dit is nie al nie! Brei jou kennis uit met ons nuutste nuus- en sendingartikels – kyk veral na ons Kiesersgids om te sien watter partye se waardes strook met joune.

Daar is ’n ietsie vir elkeen met talle opbouende kort pitkosartikels vir die maand. Kry gerus vandag jou nuwe JUIG! Tydskrif wat tans op die rakke is. Ware mense, ware lewe, ware Christenskap!